முனியாண்டிக்கு வந்த சோதனை

இந்தப் பதிவின் தலைப்பில் வரும் முனியாண்டி
வடக்கு மாசி வீதியின் ஆயிரக்கணக்கான குடிகாரர்களில் ஒருவர். குடித்துவிட்டு மனைவியை அடிப்பது, மகன்,
மைத்துனன் ஆகியோரிடம் அடிவாங்குவது இவரது அன்றாட வழக்கம்.
இந்தச் சண்டைகள் ஒரு முறை பெரிதாகி, முனியாண்டியின் மனைவி
பிறந்தவீட்டுக்குப் போய்விட்டார். முனியாண்டியின் வீட்டின் ஒரு பகுதியில் தனபால் என்பவர் சைக்கிள் கடை வைத்திருந்தார். முனியாண்டிக்கு ஜெயராஜ்
என்றொரு நண்பர் உண்டு. அவர் அடிக்கடி தனபாலின் கடையில் வந்து கடன் கேட்பதுண்டு. தனபாலிடமிருந்து ஒரு பைசா பெயராது என்றாலும் இப்படிக்
கடன் கேட்பதே, தனபாலுக்கு பெரிய எரிச்சலாக இருந்தது.

சம்பவம் நடந்த நாளன்று, முனியாண்டி வழக்கம் போல நன்றாகக் குடித்துவிட்டு, நண்பர் ஜெயராஜுடன் மனைவி இல்லாத வீட்டிற்கு வந்தார். ஜெயராஜை தனபாலின் கடைக்கு அருகில் நிற்கச் சொல்லிவிட்டு வீட்டுக்குள்
சென்றார். அந்த சமயத்தில் தனபாலின் கடைக்கு அருகில் தனபாலின் நண்பர்கள் மூன்று பேர் அமர்ந்து பேசிக் கொண்டிருந்தார்கள். அவர்கள் அருகில் ஜெயராஜ்
போய் அமர்ந்து பேச்சுக் கொடுத்தார். அவர்கள் ஜெயராஜை சட்டை செய்யவில்லை. தன்னை மதிக்காத அவர்களை ஏக வசனத்தில் பேச ஆரம்பித்த ஜெயராஜ்,
திடீரென சில கெட வார்த்தைகளையும் எடுத்துவிட்டார்.
நண்பர்கள் மூவரும் தனாபாலுக்கு கண்ணைக் காட்டினார்கள். தனபால் கடையிலிருந்து எழுந்துவந்து, ஜெயராஜை நெருங்கினான். அடுத்த சில நொடிகளில் ஜெயராஜை நான்கு பேரும் நொறுக்க ஆரம்பித்தார்கள். பத்துப் பதினைந்து வினாடிகளில் நால்வரின்
காலடியில் மிதிபட்டுக் கொண்டிருந்தார் ஜெயராஜ்.

இப்படி அடிதடி ஏதாவது நடந்தால் வடக்கு மாசி வீதியில் ஒரு பெரிய கூட்டம் குழுமிவிடும். சண்டையை யாரும்
விலக்கிவிடாதபடி கூட்டத்தினர் கவனித்துக் கொள்வார்கள். அதே போல கூட்டம் கூடியது. அந்தக் கூட்டத்தில் முனியாண்டியும் நின்றுகொண்டிருந்தார்.
அவமானத்திலும் வலியிலும் துடித்த ஜெயராஜ்,
“முனியாண்டி, முனியாண்டி காப்பாத்து” என்று கதற ஆரம்பித்தார். கூட்டத்தினர், முனியாண்டியைப் பார்த்து, “என்ன முனியாண்டி, உன் பேரைச் சொல்லிக் கத்துறான். பயலுகள விலக்கி விடாம இருக்க” என்று கேட்டார்கள். பதறிப்போன முனியாண்டி, “இது யாருன்னே எனக்குத் தெரியல. என்ன வம்பிழுத்தாரோ, நம்ம தனபால் தம்பி போட்டி அடிச்சிக்கிட்டிருக்கு” என்று சொன்னார். அடி வாங்கிக் கொண்டிருந்த ஜெயராஜ் அதுவரையிலும் முனியாண்டி தன்னைக் காப்பாற்றுவார் என்று நம்பிக் கொண்டிருந்தார். இதைக் கேட்டவுடன், சட்டென்று அந்த இடத்திலிருந்து ஓட ஆரம்பித்தார். முனியாண்டிக்கு என்ன செய்வதென்று தெரியவில்லை. வெகு நேரம் கழித்து வீட்டுக்குள்ளிருந்து ஒரு மொட்டை அரிவாளை எடுத்து வந்து, தனபாலின் கடைக்கு அருகில் போட்டார். “வாங்கடா, இப்ப யாராவது வந்து அடிங்கடா”
என்று ஊரடங்கிய பின் கத்த ஆரம்பித்தார். கடையை
அடைத்துக் கொண்டிருந்த தனபால், “என்ன மாமா,
சத்தம் ரொம்பப் பலமா இருக்கு” என்று கேட்டவுடன்,
முனியாண்டியின் முகத்தில் பீதி பரவியது. அரிவாளை
எடுத்துக்கொண்டு வீட்டுக்குள் போய்விட்டார்.

Advertisements
This entry was posted in நம்ம பயலுக. Bookmark the permalink.

3 Responses to முனியாண்டிக்கு வந்த சோதனை

  1. வடிவேலு காமெடி ரேஞ்சுக்கு இருக்கிறது!

    Like

  2. manju says:

    unmaiya sollunga adivaangina jeyaraaj neengathaane! thaanga adi vaangina kathaiyum swarasiiyama solla oru mana thariyiam venunga. vaazhga.

    Like

  3. திருப்பி அடிச்சிருப்பேன். அனா அந்த கூட்டத்துல ஒருத்தன், “இவன் எவ்வளவு அடிச்சாலும் வாங்குரான். இவன் ரொம்ப நல்லவன்னு” ஒரு வார்த்தை சொல்லிட்டானே…

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s