ஏன்னா.. எனக்கே….

சமீபத்தில் மதுரையில் நடந்து முடிந்த புத்தகக் கண்காட்சி தந்த லாபத்தால் பல பதிப்பாளர்கள் சந்தோஷத்தில் இருக்கிறார்கள். ஒரு பதிப்பாளர் இன்னொரு பதிப்பகத்தில் வேலை பார்ப்பவரிடம் இப்படி சொன்னாராம்: “காலச்சுவடு, உயிர்மை பதிப்பகத்துக்கு என்ன ஒரு பத்தாயிரத்துக்கு வித்திருக்கும். ஏன்னா எனக்கே அவ்வளவுதான் வித்திருக்கு.” இதில் காமடி என்னான்னா, படிக்க முடியாத அறுவை நாவல்கள், கட்டுரைகள், கவிதைகள் தமிழ்நாட்டில் யார் எழுதினாலும் தேடிப் பிடித்து 300 பிரதிகள் அச்சிடுபவர் இவர். ஆனால் என்ன்வோ தமிழ்நாட்டின் பென்குவின் பதிப்பக உரிமையாளரைப் போல “ஏன்னா, எனக்கே..” என்று தன்னம்பிக்கையுடன் சொன்னதைக் கேட்டதும் வடக்குமாசி வீதியின் வசிக்கும் நம்ம பய ஒருத்தன் ஞாபகம் வந்தது.
அவன் பெயர் ரங்கசாமி. என்னுடன் பள்ளியில் படித்தவன். பத்தாவதில் பெயிலானவுடன் கஜினி முகமதுவைப் போல பலமுறை படையெடுத்ததால் பள்ளிக் கல்வி இயக்குனரகத்துக்கே இவன் விண்ணப்பத்தைப் பார்த்துப் பார்த்து போரடித்துப் போனதில், ஒரு வழியாக ஏழாண்டுகள் கழித்து பாஸ் போட்டுவிட்டார்கள். ஒரு முறை ரேஷன் கடையில் அவனைப் பார்க்க நேர்ந்தது. நான் அப்போது எம்.ஏ படித்துக் கொண்டிருந்தேன். ரங்கசாமி பத்தாவது பாஸ் செய்த பூரிப்பில் இருந்தான். “என்னடா பண்ற” என்றான். “எம்.ஏ படிக்கிறேன்” என்று சுதாரிப்பாக வரிசையைக் கவனித்துக் கொண்டே பதில் சொன்னேன். ஏனென்றால் இப்படி பேச்சை ஆரம்பித்து ஒரு முறை எனக்கு முன்னால் மண்எண்ணையை வாங்கிக் கொண்டு ஓடிவிட்டான் ரங்கசாமி. “எம்.ஏவா படிக்கிற? அப்போ 12வது?” என்றான். “இம்மாதிரி கேள்விகள் ரங்கசாமியிடம் சகஜம். அதனால் பொறுமையாக, “12வது பாஸ் பண்ணிட்டேன்டா” என்றேன். “அவனும் விடாமல், “பத்தாவது?” என்றான். “அதையும் பாஸ் பண்ணிட்டேன்” என்றேன். “பத்தாவதுல கணக்கு பாஸ் பண்ணியா?” என்றான். “கணக்கு பாஸ் பண்ணாம எப்படிடா 11வது சேர முடியும்?” என்றேன் எரிச்சலோடு. “கோவப்படாதேடா. ஏன்னா, எனக்கே 10வது கணக்கு வரலையே, நீ எப்படி பாஸ் பண்ணினேனன்னு தெரிஞ்சுக்கிறத்தான் கேட்டேன்” என்றான் ரங்கசாமி.

Advertisements
This entry was posted in Uncategorized. Bookmark the permalink.

4 Responses to ஏன்னா.. எனக்கே….

  1. இப்போது ரங்கசாமி பத்திரிகைகளில் ஒருபக்கக் கதை நிறைய எழுதுகிறாராமே?

    Like

  2. அம்பி says:

    இப்படி பட்ட மனிதர்கள் உங்களிடம் மட்டும் எப்படி மாட்டுகிறார்கள்? சற்றெ சிந்திக்க வேண்டிய விஷயம்!

    Like

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s